“Disney”-н од, дуучин Майли Сайрус дэлхийн номер нэг эмэгтэйчүүдийн сэтгүүл гэгддэг “Cosmopolitan”-ын ирэх гуравдугаар сарын дугаарын хавтсанд зургаа авахуулжээ. Этгээд хэв маягаар хувцасласан Майлигийн бас нэгэн шинэ дүр төрх алдарт “Cosmopolitan” сэтгүүлийн хуудаснаа ийнхүү  гарах аж. Сүүлийн үед өөрийн стиль имиждээ эрс шийдэмгий өөрчлөлт хийсэн гэгдэж буй Майли цаашдаа ч мөн олны анхаарал татахуйц этгээд хувцаслалтад анхаарлаа хандуулах тухай тус сэтгүүлд онцолжээ.

Тэрээр “Cosmopolitan”-д өгсөн ярилцлагадаа “Хүмүүс намайг стиль имиждээ өөрчлөлт хийсэнд янз бүрээр хандаж байгаа. Гэхдээ надад чөлөөтэй, энгийн бас этгээд байх шинэ стиль, имиж маань маш их таалагдаж байгаа. Учир нь би хэнийг дуурайгаагүй. Өмнө нь би их уйтгартай, хэтэрхий эгэл жирийн юм шиг санагдаж байсан. Харин энэ бол би”. хэмээн ярьжээ. Мөн тэрбээр ойрын хугацаанд хөгжмийн карьертаа анхаарал хандуулж, дөрөв дэх цомгоо удахгүй фенүүддэ хүргэнэ гэдгээ амласан байна.