“Ice Top” хамтлаг ирэх хоёрдугаар сарын 12-нд “UB Palace”-ын концертын их танхимд 19.00 цагт “Нөхөрлөл мандтугай” бие даасан тоглолтоо хийх гэж байна. Монголын хип, хоп хамтлагуудын анхдагчдын нэг  “Ice Top” хамтлаг энэ жил 16 нас хүрч байгаа юм. Тиймээс эрийн цээнд хүрснээ зарлан тэд анх байгуулагдсан бүрэлдэхүүнээсээ өнөөдөр байх бололцоотой бүх гишүүдээ энэ тоглолтдоо оролцуулж байгаа гэсэн шүү. Мөн тэдний тоглолтод ирсэн үзэгчдэд шоу ертөнцийг өөрөөр харуулах болно гэдгээ амлаад байгаа юм.

“Ice Top”-чууд цагаан сарын шинийн хоёронд бие даасан тоглолтоо хийдэг уламжлалтай бөгөөд энэ удаад ч уг өдрийг сонгон авчээ.

Мөн тэд 16 жилийн ойдоо зориулан тоглолтынхоо нэрээр сонгосон “Нөхөрлөл мандтугай” дуугаа клипжүүлэн хүргэсэн юм.