Өнөөдөр 14.00 цагаас “Бөхийн өргөө”-нд цагаан сарын сорилго барилдаан болно. Барилдаанд улс, аймгийн алдар цолтой 224 бөх зодоглох юм. Энэ жилийн сорилго барилдааныг “Об капитал” группийн нэрэмжит болгон зарлажээ. Өнгөрсөн оны цагаан сарын сорилго барилдаанд улсын гарьд Ж.Бат-Эрдэнэ, улсын заан Д.Рагчаа, Б.Соронзонболд, Ч.Санжаадамба, улсын харцага Д.Батболд, Ц.Содномдорж, улсын начин Ж.Гансүх, Д.Цогзолдорж нарын тэргүүтэй улс аймгийн алдар цолтой хүчит 192 бөх зодоглосноос улсын гарьд  Ж.Бат-Эрдэнэ түрүүлж, улсын заан Д.Рагчаа үзүүрлэн, улсын начин  Ч.Баянмөнх шөвгөрсөн байна.