Их Британи удаан хугацаанд дотоодын зэвсэгт мөргөлдөөн үргэлжилж байгаа Сири улсад 21 сая евро буюу 28 сая ам.долларын хүмүүнлэгийн тусламж хүргэхээ мэдэгджээ. Их Британийн Засгийн газрын харъяа  Олон улсын хөгжлийн хорооны Ерөнхий нарийн бичгийн дарга Justine Greening-ийн мэдээлснээр энэхүү тусламж нь Сири улсын ард түмнийг дулаан хувцас, хоол, эмнэлэгийн тусламжаар хангахад зориулагдах аж.

Улс оронд нь үүсээд байгаа нөхцөл байдлын улмаас хөрш орнуудыг зорих Сирийн дүрвэгсдийн тоо улам нэмэгдэж байгааг албаныхан энэ үеэр  онцолсон байна. Их Британийн албаны эх сурвалжийн мэдээлж байгаагаар одоогоор тус улс Сирит  89.5 сая еврогийн хүмүүнлэгийн тусламжийг хүргээд байгаа гэнэ.

НҮБ-аас өчигдөр мэдээлснээр Сирийн ард  иргэд ойролцоох Йордан улс руу  олноороо дүрвэж байгаа ард иргэд нь хоол хүнсний дутагдлаас болж өлсгөлөнд нэрвэгдэж байгаа явдал аж. Одоогоор Сири улсад дотоодын зэвсэгт тэмцлээс болж 60 мянган энгийн ард амиа алдаж, хоёр сая иргэн нутаг орноосоо дүрвээд байгаа юм байна.