Технологийн салбарын хамгийн суут хүн гэгддэг “Apple” компанийг үүсгэн байгуулагч Стив Жобсын тухай кино хийхээр болж, гол дүрд  Холливудын нэрт жүжигчин Эштон Катчер тоглож зураг авалт нь эхэлсэн тухай эх сурвалжууд мэдээлж байсан. Тэгвэл найруулагчаар нь "Swing Vote" инээдмийн киногоороо алдаршсан Жошуа Майкл Стерний ажиллах “JOBS” нэртэй энэхүү кино ирэх гуравдугаар сарын 19-нд албан ёсоор үзэгчдийн хүртээл болох гэнэ. Түүнчлэн уг киноны танилцуулга клип нь анх удаа кино сонирхогчдод цацагдаад эхэлчихсэн байгаа аж.  

Техник технологийн салбарт хувьсгал хийсэн хэмээн дэлхий даяар хүлээн зөвшөөрөгддөг Стив Жобс 2011 оны аравдугаар сард өвчний улмаас төгссөн юм. Жүжигчин Эштон гаднах төрхөөрөө Жобстой маш адилхан бөгөөд олон мянган кино сонирхогчид уг уран бүтээлийг дэлгэцэнд гарахыг нь хүлээсээр байгаа билээ.