НҮБ-ын мэдэгдсэнээр Мозамбикт өчигдөр болсон үерийн улмаас 36 хүн амиа алдаж 70 мянган иргэн орон гэрээ орхин дүрвээд байгаа юм байна. Албаны хүмүүсийн мэдээлснээр гамшигт далайн эргийн ойролцоох Шай-Шай хотын оршин суугчид ихээр өртсөн бөгөөд гамшгийн бүст олон тооны онцгой байдлын албаныхан ажиллаж байгаа гэнэ.

Тус улсын Засгийн газраас орон гэргүй хүмүүст хоол хүнс болоод шаардлагатай тусламжийг хүргээд байгаа ч гамшигт өртөн орон гэргүй болох айл өрхийн тоо улам нэмэгдэх хандлагатай байгаа аж. Африкийн зүүн өмнөд хэсгийг дайран өнгөрч, удаан хугацаагаар үргэлжилсэн аадар ийнхүү гамшиг дагуулсан бөгөөд аадар Мозамбикийн хөрш зэргэлдээ Өмнөд Африк, Зимбабве, Ботсванна зэрэг улсуудыг мөн дайраад байгаа гэнэ. Улс оронд нь нүүрлээд  гамшгийн нөхцөл байдалтай уялдан Мозамбекийн Засгийн газраас орон гэргүй болсон хүмүүст орогнох байр, цэвэр ус, хоол хүнсээр хангах ажиллагаа одоог хүртэл  үргэлжилсээр байгаа аж.