Нисэх багийн гурван гишүүний  бүрэлдэхүүнтэй Канадын  нэгэн  онгоц өмнөд туйл  Антрактидад ор сураггүй болсон тухай эх сурвалжууд мэдээлжээ. Албаны эх сурвалжуудын мэдээлж байгаагаар уг онгоцыг эрэн хайх ажиллагаа одоогоор үргэлжилж байгаа юм байна.

Шинэ Зеландын тэнгисийн аврах албаны мэдээлснээр Өмнөд туйлаас Терра-Нова булан хүрэхээр явсан “Twin Otter” онгоцоос  хамгийн сүүлд  лхагва гаригийн орой ослын дохио ирсэн аж. Уг онгоцыг эрэн хайх ажиллагааг Шинэ Зеландын албаныхан үргэлжлүүлж байгаа бөгөөд онгоц анх нисэхдээ шатахуун болоод бусад шаардлагатай багаж тоног төхөөрөмжийн таван хоногийн нөөцтэй  байсан гэнэ.