Засгийн газрын хэрэг эрхлэх газрын ВЭБ хуудсанд “Орон нутгийн хөгжлийн бодлогын баримт бичгүүд” /http://www.cabinet.gov.mn/provinceplan.php/ гэсэн шинэ булан нээжээ. Энэ хуудсанд аймаг, нийслэлийн түвшинд боловсруулагдсан “Хөгжлийн цогц бодлого, хөтөлбөр”-үүдээс тавьж нийтийн хүртээл болгож эхэлж байгаа юм байна. Энэ нь Монгол Улсын Мянганы хөгжлийн зорилтод суурилсан Үндэсний хөгжлийн цогц бодлогын стратегийн зорилтуудыг орон нутаг хэрхэн хүлээн авч хэрэгжүүлж эхэлснийг харуулахад тус дөхөм болох юм гэж Засгийн газрын хэвлэл мэдээллийн албанаас мэдээлэв.