Рэппэр Канье Уэст хөл хүнд найз бүсгүй Ким Кардашианий хамтаар Парис хотоор романтик аялал хийж яваа гэнэ. Өдгөө 35 настай Канье найз бүсгүйгээ бие давхар болсноос хойш ихэнх цагийг түүнд зарцуулж байгаа бөгөөд саяхан л гэхэд тэрээр Кимд “Cartier” дэлгүүрээс 34,650 ам.долларын үнэтэй эрдэнийн чулуун шигтгээтэй алтан бугуйвчийг бэлэглэжээ.

Харин дараа нь Ким хайртынхаа бэлэглэсэн чамин хийц бүхий алтан бугуйвчийг өөрийн Instagram хуудсанд тавьж гайхуулсан гэнэ. Ким, Канье нар Францын нийслэлд хэсэг хугацаанд амрах төлөвлөгөөтэй байгаа бөгөөд өнгөрөгч мягмар гаригт хосуудыг Парисийн “Lasserre” зоогийн газарт өдрийн хоол идсэний дараа хамтдаа явж байгаа нь папараццичдын дурангаас ийнхүү холдсонгүй аж.