Америкийн нэрт дуучин, жүжигчин Жастин Тимберлейк саяхан хөгжмийн ертөнц дэх олон мянган фэнүүддээ гуравдахь шинэ цомгийнхоо ажилд ороод байгаа талаар мэдэгдээд байсан. Харин Жастин энэхүү шинэ цомогтоо орох “Suit & Tie” синглдээ клип хийлгэсэн тухайгаа өчигдөр мэдэгджээ. Бүжигтэй хосолсон дуучны нилээн дэгжин өнгө төрхийг харуулах уг клип өчигдрөөс эхлэн MTV болоод бусад хөгжмийн сувгаар цацагдсан аж.

Ихэвчлэн хар, цагаан өнгө давамгайлах “Suit & Tie”-ийн клипний найруулагчаар Лэбейн Фейдиас ажилласан байна. Харин Жастин шинэ цомгоо хэзээнээс сонсогчдын хүртээл болох талаар өмнө мэдээлээгүй ч өчигдөр шинэ клипийнхээ тухай фэнүүддээ хийсэн мэдэгдэлдээ “The 20/20 Experience” цомгоо ирэх гуравдугаар сарын 19 гэхэд бэлэн болгох төлөвлөгөөтэй байгаа гэжээ.