Даймаагийн Батсайхан гэх энэ эрхмийг “ХААН” банкны Гүйцэтгэх захирлын орлогч гэдгээр нь олон хүн танина. Тэгвэл тэрбээр Төрийн банкны захирал гэх шинэ албан тушаалд томилогджээ. Сүүлийн 10 жилийн турш хувийн өмчит банкинд зүтгэсэн  Д.Батсайхан ийн зуун хувь төрийн өмчит банк руу шилжин ажиллах болж байна. Төрийн банкийг өмнө нь Ж.Отгонбилэг удирдаж байсан юм.

Энэ долоо хоногийн даваа гаригт шинэ ажлаа хүлээж авсан Д.Батсайхан захирлаас зарим зүйлийг тодрууллаа.

-Шинэ ажлаа чухам юунаас эхлэх вэ?

-Ажлаа банкны дотоод зохион байгуулалтаас эхэлнэ дээ. Банкны үйл ажиллагааг илүү сайн болгохын тулд хийх ажил их байна.

-Дотоод зохион байгуулалт гэхээр бүтцийн өөрчлөлт гэдэгтэй адил сонсогдох тал бий?

-Бүтцийн өөрчлөлт бол ажил явуулахын эхлэл болохоос халаа солио хийнэ гэсэн үг биш. Ажлын байрны чиг үүргийг ягштал биелүүлдэг хүн бол халагдана гэж айх учиргүй шүү дээ.