Эгч, дүүс болох 5-12 насны охидыг хүчирхийлж, нэгийнх нь амийг хөнөөсөн ч Өршөөлийн тухай хуульд хамрагдан суллагдсан байх үедээ ломбарднаас 100 сая төгрөг дээрэмдсэн гэх П.Сумъяажавын хэргийг өчигдөр Баянгол дүүргийн шүүхэд хэлэлцжээ. Шүүх бүрэлдэхүүн түүний хэргийг хэлэлцээд П.Сумъяажавт 15 жил, түүний найз О.Ариунболдод долоон жилийн хорих ял оноосон байна.

П.Сумъяжав нь  өнгөрсөн 2009 оны хоёрдугаар сарын 14-нд Д.Бямбадорж гэгчтэй урьдчилан үгсэн тохиролцож, Баянгол дүүргийн 19 дүгээр хороонд оршин суух иргэн О-гийн гэрээс  эд зүйл дээрэмдэх явцдаа таван настай Н-ийн хоолойг хэрчиж, амь насыг нь хөнөөсөн юм. Мөн 12 настай О-г биеэ хамгаалж чадахгүйг мэдсээр байж, онц харгис хэрцгий аргаар хоолойг нь хэрчиж амь насанд нь хүрэхийг завдаж, хүчирхийлсэн.  Түүнд Баянгол дүүргийн 15 жилийн хорих ял оногдуулсан ч 18 нас хүрээгүй гэх үндэслэлээр Өршөөлийн хуульд хамруулан суллаж байсан юм.