Харилцаа Холбооны Зохицуулах хорооны 2012 оны 47 дугаар тогтоолоор Олон улсын чиг хандлага, Үндэсний радио давтамжийн төлөвлөгөөний дагуу утасгүй суурин үйлчилгээний зурвасыг чөлөөлж, шинэ үеийн хөдөлгөөнт холбооны 3G, 4G системд ашиглахаар шийдвэрлэсэн.

Зурвас чөлөөлөхтэй холбогдуулан “МЦХ” ХХК-ийн 50-тай дугаарлалттай F-Zone үйлчилгээний хэрэглэгчид “Скайтел” ХХК-ийн үйлчилгээнд дугаараа солихгүйгээр шилжих ажиллагаа 2012 оны 12 дугаар сараас эхлэн явагдаж байна.

Тус утасгүй суурин холбооны үйлчилгээг 2013 оны 02-р сарын 1-ээс орон даяар зогсоох тул хэрэглэгч та бүхэн 1 дүгээр сарын 31-ний дотор амжиж үйлчилгээгээ шилжүүлнэ үү.

Хэрэв та дараа төлбөрт үйлчилгээний хэрэглэгч бол “МЦХ” ХК-ийн үйлчилгээний төвд, урьдчилсан төлбөрт үйлчилгээний хэрэглэгч “Скайтел” ХХК-ийн үйлчилгээний салбаруудад хандан үйлчилгээгээ шилжүүлэхийг мэдэгдэе.
ЛАВЛАХ УТАС: 109, 7000-8000, 319191, 1510