“Sony” корпораци ирэх гуравдугаар сараас супер нимгэн “Xperia Z” таблет гаргах гэж байгаа тухай “Bloomberg” мэдээлжээ. Супер нимгэн “Xperia Z” таблет нь 10.1 инчийн дэлгэцтэй, 482 грамм жинтэй бөгөөд 6.8 мм-ийн зузаантай байхаараа  “Apple”-ийн өнгөрсөн аравдугаар сард гаргасан “iPad mini”-гээс ч нимгэн байх гэнэ. Түүнчлэн Android 4.1 үйлдлийн системтэй,  хоёр гегабайтийн дотоод санах ой, 8.1 мегапикселийн “Exmor R” камертай, ус нэвтэрдэггүй байх юм байна. Одоогоор “Sony” корпораци энэхүү супер нимгэн таблетаа яг хэзээ худалдаанд гаргах болон ямар үнэтэй байх талаарх дэлгэрэнгүй мэдээллийг хараахан гаргаагүй байгаа аж.