Зохиолч Б.Шүүдэрцэцэгийн “Ану хатан” романаас сэдэвлэн “Шүүдэр” продакшны бүтээсэн “Ану хатан” түүхэн уран сайхны кино өнгөрсөн баасан гаригт Улаанбаатар хотноо нээлтээ хийсэн билээ. Тэгвэл олны анхаарлыг ихээр татаж буй түүхэн бүтээлийг өнөөдөр Орхон аймгийн үзэгчидтэй уулзуулах гэж байна. Өнөөдөр Орхон аймгийн “Уурхайчин” Соёлын ордонд 17.00 цагт киноны нээлт болох ерөнхий продюсер Д.Болдхуяг, ерөнхий найруулагч Т.Алтантуяа, Галдан хааны дүрийг бүтээсэн жүжигчин М.Мягмар, Данжилад тоглосон УДЭТ-ын жүжигчин С.Ариунбямба, Балсанд тоглосон Гэрэлт-Од, Энх-Амгалан хаанд тоглосон Е.Баярмагнай, найруулагч В.Агар, ерөнхий зураглаач Д.Ангараг нар орон нутагт болж буй киноны нээлтэд оролцох ажээ.