Скарборо шүрэн аралд тугаа хатгаж байгаа филиппинчууд.
Фото: Jess Yuson / AFP, архив
Өмнөд Хятадын тэнгис дэх маргаантай газар нутгийн асуудлаар Филиппиний эрх баригчид Хятадтай заргалдахаар болжээ. Энэ тухай тус улсын Гадаад хэргийн сайд Альберт дел Росарио мягмар гаригт мэдэгдсэн тухай “Associated Press” мэдээлэв. Тэрбээр Гадаад хэргийн яамны байранд Филиппинд суугаа БНХАУ-ын Элчин сад Ма Кэцинийг дуудаж, Олон улсын арбитрийн шүүхэд хандах болсон тухай дуулгасан гэнэ.

Филиппиний засаг захиргаа тайван хэлэлцээр хийх  улс төрийн болон дипломат бүх боломж үгүй болсныг Дел Росарио хэлэв. Тиймээс энэ маргааныг НҮБ-ын Арбитрийн шүүх шийдэж өгнө гэж найдаж буйгаа илэрхийлжээ. Арбитрийн шүүхэд Филиппиний ерөнхий прокурор Фрэнсис Харделеса (Francis H. Jardeleza) тус улсыг төлөөлөх гэнэ.

Манила Бээжингээс маргаантай нутгуудаа олон улсын шүүхээр шийдүүлэн авахаас гадна Хятадаас 1982 оны Далай тэнгисийн конвенцид заасан Филиппиний эрхийг зөрчиж байгаагаа зогсоохыг шаардсан байв.

Хоёр орны хооронд Скарборо гэх шүрэн арлууд мөн нефть, байгалийн хийн баян ордтой Спартли ольтриг газар нутгийн маргаан үүсгээд буй билээ. Мөн эдгээр маргааны бай болсон газар нутагт Тайвань, Бруней, Малайзи, Вьетнамын сонирхол ч байдаг аж.