Бразилийн цагдаагийн байцаагч Педро Паоло Пиньо гэгч Twitter-ээр хамт ажилладаг эмэгтэйчүүдийг шүүмжилсэнийхээ төлөө ажлаасаа халагджээ. Тэрбээр twitter хуудсандаа “Рио-де-Жанейро хотын цагдаагийн газарт 14 эмэгтэй ажилладгийн зөвхөн нэг нь л цагдаагийн ажилд тохирох  чадвар, зоригтой” хэмээн жиргэсэн аж. Үүнээс болоод тус хотын цагдаагийн газрын эмэгтэй дарга Марта Роча түүний үйлдлийг зохисгүй хэмээн үзэж, ажлаас нь чөлөөлж, оронд нь эмэгтэй хүнийг ажилд авсан байна.

Харин Педро Паоло Пиньо “Хүмүүс миний жиргээг буруугаар ойлгосон байна” хэмээгээд гомдоосон эмэгтэйчүүдээсээ уучлал гуйжээ. Мөн тэрээр нэг эмэгтэй цагдааг магтаж жиргэснээс ажлаасаа халагдсан нь шударга бус гэж мэдэгдсэн байна. BBC-гийн мэдээлснээр Педро Паоло Пиньо дээрхээс гадна “Цагдаагийн газрын 14 эмэгтэй цагдаа нар дунд нэг залуу цагдаа бий. Түүнтэй эн зэрэгцэх нэг ч эр хүн байхгүй. Өөрөөр хэлбэл түүнийг зодож чадах нэг ч хүн байхгүй” гэж жиргэсэн аж.