Хэвлэл мэдээллийн салбарт шинэ онд анхны дугаараа өргөн барьж мэндэлсэн  “Ulaanbaatar new Guide” сэтгүүл удахгүй болох гэгээн хайрын өдөр Валентины баярт зориулан "Хайрын захидал"-ын уралдаан зарлажээ. Шалгарсан захидлыг “Ulaanbaatar new Guide” сэтгүүлийн ирэх хоёрдугаар сарын дугаарт нийтлэхээс гадна бүтээлийн эзэнд сэтгүүлийн шинэ дугаараас гадна гарын бэлэгтэй гэнэ. Мөн тус сэтгүүлийн хамт олон "Сар шинэ"-ийн баярыг тохиолдуулан хамгийн сайхан Монгол хувцастай хосын гэрэл зургийг шалгаруулах юм байна. Шалгарсан гэрэл зургийг сэтгүүлийн хоёрдугаар сарын дугаарт гарган гарын бэлгээр урамшуулах аж. Оролцохыг хүссэн хэн бүхэн Валентины баярт зориулан "Хайрын захидал"-аа ub_guide@yahoo.com болон munhdulguunbat@yahoo.com.au, харин цагаан сарын баярт зориулсан гэрэл зургаа Seded_t@yahoo.com болон UB_guide@yahoo.com хаягуудаар илгээгээрэй.