Мэргэжлийн сумо бөхийн 2010 оны нацу башё өнөөдөр өндөрлөлөө. Зуны башёд 69 дэх их аварга Хакухо М.Даваажаргал 15 дараалан ялснаар 14 дэх удаагаа Эзэн хааны цомын эзэн боллоо. Тэрбээр өнөөдөр болсон сүүлийн өдрийн барилдаанд озэки Харумафүжиг өвдөг шороодуулжээ. Харумафүжи Д.Бямбадоржийн хувьд нацу башёг есөн даваа, зургаан унаатай дуусгалаа. Манай бусад бөхчүүдийн хувьд Асасэкирюү ес, Хакуба арав, Токитэнкү найм, Какурюү зургаа, Моконами найм, Коорюү тав давсан амжилттайгаар энэ удаагийн башёд барилджээ.