Засгийн газар 2004 оны тогтоолоор оршин суугаа газраасаа 500 километр болон түүнээс хол байршилтай их, дээд сургуулийн оюутнуудад өвлийн амралтаар орон нутагтаа амрахаар явах нэг талын замын зардлыг төр хариуцдаг байсан. Харин 2011 онд Засгийн газрын 102 тоот тогтоолоор хөдөө орон нутгийн оюутнуудын өвлийн амралтаар ирж, очих хоёр талын замын зардлыг бүрэн олгож байхаар шийдвэрлэсэн аж. Ингэснээр өнгөрсөн 2011 онд 11700 орчим оюутан, суралцагчдад амралтын зардалд 846 орчим сая төгрөгийг Сургалтын төрийн сангаас нөхөн олгожээ. 

Тэгэхээр 500 км-ээс хол аймгийн оюутнууд  өвлийн амралтаар зорчсон тасалбараа сургуулийнхаа санхүүгийн албандаа өгч, замын зардлаа нөхөн авах боломжтой аж.