“Монгол 999” ил захидал гаргалаа | News.MN

“Монгол 999” ил захидал гаргалаа

Хуучирсан мэдээ: 2010.05.23-нд нийтлэгдсэн

“Монгол 999” ил захидал гаргалаа


Монголын 1700 гаруй компани нэгдсэн “Монгол 999 үндэсний нэгдэл”-ээс ил захидал гаргасан байна. Уг захидлыг бүрэн эхээр нь хүргэж байна.

ИЛ ЗАХИДАЛ
УИХ, Засгийн газарт
Ашигт малтмалын томоохон ордуудыг төр өөрийн хяналтанд байлгаж, эдийн засгийн өгөөжтэй ашиглах, үүний тулд үндэсний компаниудынхаа оролцоог нэмэгдүүлэх боломжийг бүрдүүлж ажиллах талаар УИХ, Засгийн газраас эрс шинэчлэлийн чанартай шинэ бодлого явуулах санаачилга гаргасныг монголчууд, түүний дотор уул уурхайн салбарын хамт олон, нийт хувийн хэвшлийнхэн бид туйлын баяртай халуун дотно хүлээн авсан билээ.

Энэ нь үнэ цэнэ ихтэй, хөрөнгө оруулалт ихээр шаардагдах ашигт малтмалын ордуудыг зөвхөн гадаадынхны хөрөнгө, хүчээр ашиглахаас  өөр арга замгүй мэт үзэж ирсэн явцуу ойлголтоос ангижирч, үндэсний компаниуд, хувийн хэвшлийнхны оюуны болон хөрөнгийн чадавхийг дайчлахад ихээхэн ач холбогдолтой чухал үйл явдал гэж бид үзэж байна.

УИХ, Засгийн газраас ашигт малтмалын ордуудын ашиглалтын арга хэлбэрийг оновчтой болгох, Тавантолгойн ордыг дотоодын компаниудын оролцоотойгоор богино хугацаанд эдийн засгийн эргэлтэнд оруулах хүрээнд явуулж буй шинэ бодлого, зорилтыг хэрэгжүүлэхэд бодитой хувь нэмэр оруулах үүднээс өнгөрсөн асар богино хугацаанд үндэсний 2000 шахам компани өөрсдийн санаачилгаар “Монгол 999+үндэсний нэгдэл” хувьцаат компани байгуулан Тавантолгойн төсөлд оролцох үйл ажиллагааныхаа стратегийн зорилго, зорилтыг тодорхойлон бэлтгэлээ ханган ажиллаж байгаагаа танилцуулахад таатай байна.

Бидний энэ үйл ажиллагаанд нэгдэн оролцох хүсэлтэй аж ахуйн нэгж, байгууллага, иргэд, инженер-техникийн ажилтан, залуучууд улам бүр нэмэгдсээр байгаа нь монголчууд улс үндэстнийхээ эдийн засгийн бие даасан байдлын амин чухал эрх ашиг, хөгжил дэвшлийн төлөө эвлэлдэн нэгдэж хамтран ажиллах шаардлагатай цаг ирснийг бүрнээ ухаарч, тийм зориг эрмэлзлээр төгс байгааг харуулж байна.

Үндэсний компани, хувийн хэвшлийнхэн Тавантолгой төслийг хэрэгжүүлэх бүтээн байгуулалтын их үйлсийн манлайд явж эх орондоо эдийн засгийн өндөр үр ашигтай нүүрс химийн аж үйлдвэрийн цогцолбор байгуулах үндэс суурийг тавилцахад хангалтай хүний нөөц, капиталын хуримтлал, шинэ техник технологи олж ашиглах боломж бүрдэн үүнийхээ төлөө хариуцлага хүлээх чадамжтай болсноо илтгэж байна.

Өвөг дээдэс, ахмад үеийнхний амь насаа золиослон байж өнөө үеийнхэн бидэнд өвлүүлэн үлдээсэн ашигт малтмалын асар их баялагаасаа авах ашиг орлогыг бүрэн хэмжээгээр эх орныхоо түргэн хөгжил цэцэглэлт, ард иргэдийнхээ аж амьдралыг дээшлүүлэхэд зориулах гэсэн бидний чин сэтгэлийн энэ хүчин чармайлтад манай УИХ, Засгийн газар бололцоотой бүхий л дэмжлэг тусалцаа үзүүлж чадна гэдэгт бат  итгэж байгаагаа илэрхийлье.

Хүчирхэг Монгол оо хамтдаа байгуулья.

“Монгол 999+ үндэсний нэгдэл” ХК

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

aas 2010-05-23 202.131.226.98

ХАЙРАН НЭГ САЯ ТЄГРЄГ МАНАЙХАН Ч ЛУЙВАРДУУЛЖ ХАНАХГЇЙ ЮМ АА

Avatar

Zorig 2010-05-23 183.81.169.2

Таван толгой төрийн өмч давамгайлсан аж ахуйн нэгж байх болно Харин зах зээлд гаргасан хувьцааг дотоодын компаниуд авна биз Монголын бүх ард түмний өмчийг компани байгуулсан мөнгөтэй хүмүүсийн хувийн өмч болгох нь шударга ёсонд нийцэхгүй Үр ашгийг нь бүх ард түмэнд тэгш хүртээх Ерөнхий сайдын бодлогыг дэмжиж байна

Avatar

usa-s 2010-05-23 99.27.132.172

demjij bgaa shyyyaj negdeh be ta nartaiolnii hych olomgyi dalai shyy ta nar chadna shyybyy uhraaraigood jobkeep doing

Avatar

Odoo l Mongolchuud zorigtoi hudluhgui bol oroitno. 2010-05-23 83.1.126.66

Mongolchuud evtei baihdaa huchtei

Avatar

2000 ninja 2010-05-23 24.82.131.88

1700 baisan odoo 2000 ninja boljee bas iluu huvi hurteh sanaatai tegj bitii shunalt

Avatar

Ulaan 2010-05-23 182.160.4.48

Tavan tolgoi huvi zaya deeguuree ali hediin shiidegdsen gej baina lee Tavan tolgoid China Korea Russia 3 orohoor bolson yum shig baina lee

Avatar

888 2010-05-23 182.160.4.48

Nuguu Oyun tolgoin Avenhoe Mines uurhaigaa Hytadiin companiudtai hamtarch ashiglah bolson baina shu dee Er ni 5tolgoig ch Mongolchuud bid uursduu medeheer ungursun yum shig baina lee

Avatar

Зочин 2010-05-23 203.91.117.3

2010-05-07nd usa s irsen 2003 oni tsaivar nogoon lexus 470 zarnaaMONGOLD YAWAAGUI BGAA 100-D 18 L SHATAHUUN ZARTSUULDAG20 INCHIIN GOYOLIIN DISKEN OBUDTAI MASH TSEMBEGER 99939396 91612268

Avatar

fm 2010-05-23 180.235.188.239

s***

Avatar

Saixan baina aa 2010-05-23 202.131.238.226

Demjij baina

Avatar

Эхлээд зөв бичиж сур 2010-05-23 202.170.64.21

Эхлээд зөв бичиж сур Дараа нь тэр хүчирхэг Монголоо байгуул Окэй

Avatar

Зочин 2010-05-23 93.88.184.11

demjjaa sho

NewsMN Гар утасны хувилбар Татах
NEWS.mn

Мэдээллийн эх сурвалж