Никарагуа хотын шүүхээс өнгөрсөн наймдугаар сард өөрсдийгөө Мексикийн телевизийн сэтгүүлчид хэмээн худал мэдүүлж, хил давсан 18 гэмт этгээдэд 30 жил шоронд хорих ял оноожээ. Тэднийг Мексик, Коста Рикагийн хар тамхины бүлэглэлийн хооронд хар тамхи зөөвөрлөсөн болон мөнгө угаасан хэрэгт буруутган шүүсэн байна. Гэмт этгээдүүдийн толгойлогч нь эмэгтэй хүн байсан бөгөөд түүнд шүүхээс олон улсын хооронд хар тамхи зөөвөрлөсөн хэргээр 20 жил, гэмт хэргийг зохион байгуулсан хэргээр 8.5 жил, мөнгө угаасан хэргээр долоон жил буюу нийт 35 жилийн хорих ял оноожээ. Гэхдээ Никарагуа улсын хорих ялын дээд хэмжээ нь 30 жил байдаг аж.

Эдгээр гэмт этгээдүүд өнгөрсөн наймдугаар сард Мексикийн “Televisa network” гэсэн логотой бүхээгтэй зургаан автомашинаар Никарагуа улсын хилийг давах үедээ 9.2 сая ам.долларын бэлэн мөнгө болон хар тамхи авч орохоор завдаад баривчлагджээ.