Эрүүл мэндийн яаралтай тусламж, үйлчилгээний 103 дугаарын утсанд өчигдрийн байдлаар 626 дуудлага иржээ. Үүнд төрөх  60, осол гэмтлийн 100 дуудлага ирсэн нь нийт дуудлагын дийлэнхийг эзэлсэн байна. Өмнөх шөнийн  626 дуудлага нь харьцангуй их тооны дуудлага болох тухай албаныхан хэлж байна. Осол гэмтлийн тухайд, хүйтэнд аливаа шарх эдгэрэхдээ муу, амархан үрэвсч, хүндэрдэг бөгөөд ийм дуудлага сүүлийн үед ихсэх болсон ажээ. Ингэхдээ ахуйн хүрээнд жижиг гэмтэл авсан ч зохих анхан шатны эмчилгээг яаралтай хийж, Эрүүл мэндийн лавлах  1908 дугаарын утаснаас аливаа зөвөлгөө авах боломжтой юм байна.

Тиймээс өвлийн тэсгим хүйтний үеэр иргэд болзошгүй аюул, ослоос сэрэмжтэй байж, шөнө оройн цагаар ганцаараа хол явахгүй байх, бага насны хүүхдийг хараа хяналтгүй орхихгүй байхыг албаныхан анхааруулж байна.