Нийслэлийн оюутны спортын наадмын тэшүүрийн тэмцээн Төв цэнгэлдэх хүрээлэнгийн мөсөн гулгуурын талбайд эхэлж, зургаан их, дээд сургуулийн 30 гаруй оюутан-тамирчид мөсөн замд гараанаасаа гарлаа. Энэхүү тэмцээнтэй хамт тэшүүрийн өсвөр үеийн Улаанбаатар хотын аварга шалгаруулах тэмцээн зохиогдож байгаа бөгөөд 40 гаруй идэрчүүд тэшилтийн техник, авхаалж самбаагаа сорин өрсөлдөж байна. Тэмцээний нээлт бямба гаригийн 11:00 цагаас болно гэж Нийслэлийн Биеийн тамир, спортын газраас мэдээллээ.