Пол Маккартни талийгаач эхнэр Линдад зориулан зурмал клип бүтээж, твиттер хуудсандаа байршуулжээ.

Богино хэмжээний клип 40 секунд үргэлжлэх бөгөөд клипний туршид “Heart of the Country” дуу эгшиглэх аж. Клипэнд Линда салдаггүй байсан гэрэл зургийн аппараттайгаар дүрслэгдсэн байна. Тэжээмэл амьтдын дундуур явж, тэдэнд зориулан хөгжим тоглож, амьтдад хоол хийж буй хэсэг багтжээ.

Маккартнигийн экс-эхнэр, гэрэл зурагчин Линда Маккартни өөрөө цагаан хоолтон, басхүү амьтдын эрхийн төлөө тэмцэгч байсан юм. Мах хэрэглэхгүйгээр бэлтгэх олон төрлийн жор бүхий ном эрхлэн гаргаж байжээ. Линда 1998 онд нас барснаас хойш Маккартнийн гэр бүл түүний үйлсийг үргэлжүүлэх болсон байна.

 "Heart of the Country"  дууг Линда, Пол хоёр 1971 онд зохиосон бөгөөд "Ram" цомогт нь багтжээ. Уг цомогт тэр хоёр зэрэг дуулсан нь цорын ганц тохиолдол байсан юм. Хожим Линда Полын “Wings” хамтлагт хөгжим бичиж байлаа.