УИХ-ын эмэгтэй гишүүдийн бүлгээс санаачлан нэгдүгээр сарын 19-ний өдөр  "Тамхинаас татгалзсан өсвөр үе" сэдэвт чуулганыг Төрийн ордны их танхимд зохион байгуулах гэж байна. 1000 хүүхэд оролцох эл чуулганаар хүүхэд залуусыг гаж зуршлаас хол байлгах талаар хэлэлцэх ажээ. Чуулганы талаарх мэдээллийг  маргааш 13.00 цагт Төрийн ордны Г танхимд болох хэвлэлийн бага хурлаас авч болох юм байна. Хэвлэлийн хурлын  үеэр Монголын сурагчдын холбоотой хамтран ажиллах санамж бичигт гарын үсэг зурах ажээ.