Евро бүс санхүүгийн гүнзгий хямралын аюулаас мултарлаа хэмээн Дэлхийн банк дүгнэв. Гэхдээ өрсөлдөх чадвар нь тогтворгүй байна гэжээ. “Дэлхийн санхүүгийн хямралын эхлэлээс дөрвөн жилийн дараа хамгийн аюултай байдал ард үлдлээ. Улс орнууд ба Европын Төв банк нэгдсэн валютаа дэмжих зөв алхам хийлээ. Сүүлийн хагас жилд Европын зах зээлд итгэх итгэл мэдэгдэхүйц нэмэгдлээ” гэж Дэлхийн банкны илтгэлд дурджээ.

Гэхдээ тайвшрах болоогүйг илтгэл сануулж байна. Евро бүсийн хямралтай орнууд шийдвэртэй шинэчлэл  тэр бүр явуулж чадахгүй байгаа учраас хөрөнгийн зах зээлээс тусгаарлагдах эрсдэлтэй байна. Найдварын дохио гарч байгаа ч өрсөлдөх чадвар “тогтворгүй, ганхсан” хэвээр байна. Аж үйлдвэрийн улс орны сулхан эдийн засаг тогтвортой өсөлт үзүүлэхгүй байна гэж Дэлхийн банк дүгнэв. АНУ-д улсын өрийг буулгах талаар сөргөлдөөн үргэлжилж байгаа нь том эрсдэл  агуулж байна гэжээ.
Илтгэлд тэмдэглэснээр энэ жилд дэлхийн эдийн засгийн өсөлт өмнөх жилийн 2,3-аас бага зэрэг нэмэгдэж, 2,4 хувьд хүрэх гэнэ. Евро бүсийн хувьд 0,1 хувийн уналттай байна. Харин оноос өөрчлөлт мэдрэгдэх бололтой.