Жолооч нарын анхааралд

Хуучирсан мэдээ: 2010.05.23-нд нийтлэгдсэн

Жолооч нарын анхааралд

Их тойруугийн замд буюу  100 айлын уулзвараас Баянбүрдийн тойрог хүртэлх замын ажлыг энэ сарын 1-нээс ирэх сарын  15-ныг  хүртэлх хугацаанд хийх юм. Энэ хугацаанд  замыг хэсэгчлэн хааж, Өлзийт төвийн уулзвараас 100 айлын уулзвар хүртэлх замыг засч байгаа юм байна. Мөн Гурвалжингийн аюулгүйн тойргийн урд хэсгийн зам засварын ажлыг хийж байгаа бөгөөд энэ сарын 28-нд хөдөлгөөнийг нээх юм байна.

Түүнчлэн 25 дугаар эмийн сангийн уулзвараас Төмөр замын соёлын ордоны уулзвар хүртэлх замд засвар хийж байгаа ба засварын ажил энэ сарын 24-нд дуусна. Дээрх зам засварын ажлуудаас гадна энэ амралтын өдрүүдэд хотын төв замуудад урсгал засвар хийж байна.

Тухайлбал,Сүхбаатарын талбайн баруун зүүн талаар болон бага тойруу доторх бусад замуудад урсгал засварын ажил хийгдэх юм байна. Энэ үеэр замын хөдөлгөөнийг хаахгүй ч ачаалал бага зэрэг нэмэгдэх тул жолооч нар бие биедээ хүндэтгэлтэй хандаж, дээрх хаасан замуудаас бусад замыг сонгон хөдөлгөөндөө соёлтой оролцохыг Замын цагдаагийн газраас зөвлөж байна.

П.Наран 

NewsMN Гар утасны хувилбар Татах
NEWS.mn

Мэдээллийн эх сурвалж