Шведийн нийслэл Стокгольм хотын захад орших галт тэрэгний буудалд ажилладаг цэвэрлэгч эмэгтэй дөрвөн вагон бүхий хоосон галт тэрэг хулгайлсан байна. Тэрээр гал тэргийг жолоодон депогоос 1.6 км хэртэй газар явсан ч галт тэрэг замаасаа гарч гурван давхар айлын байшин руу цөмрөн оржээ. Үүний улмаас цэвэрлэгч эмэгтэй өөрөө хүнд гэмтэж, нисдэг тэргээр эмнэлэгт хүргэгдсэн байна. Харин галт тэрэгний мөргөсөн гурван давхар байшинд гурван айл амьдардаг байсан ч азаар хүн гэмтэж бэртээгүй байна.

Цагдаа нар дээрх хэргийг шалгаж байгаа бөгөөд галт тэрэгний буудлын албаныхан цэвэрлэгч эмэгтэй яаж, яагаад галт тэргийг хулгайлсан болохыг тодруулахаар ажиллаж байгаа аж.