Америкийн нэрт кино жүжигчин  Чарли Шин удахгүй өвөө болох гэнэ. Түүний 28 настай охин Касандра Эстивез хөл хүнд болж, кино ертөнцөд нэр хүндтэй аавыгаа удахгүй өвөө болгох нь гэсэн мэдээг Чарлигийн экс эхнэр Денис Ричардс twitter-ээр дамжуулан дуулгажээ. Харин дээрх мэдээг сонссон Чарли “Дэлхий цөмөрчих шиг л болсон” хэмээн хошигножээ. 

Порно ододтой зугаацаж, алкохол ихээр хэрэглэж, зугаа цэнгэл хэт хөөдөг хэмээн шүүмжлэл, зэмлэл хүртдэг Чарлигийн амьдралын хэв маяг сэтгэл хөдлөм энэ мэдээгээр өөрчлөгдөх бололтой. Өдгөө 47 настай Чарли таван хүүхэдтэй бөгөөд анхны зээгээ хүлээж байгаа нь энэ юм.

Уран бүтээлийн хувьд Чарли Шин “Anger Management” хэмээх инээдмийн богино хэмжээний цуврал киноны ажилд ороод байгаа гэнэ.