Цэвэр хар тамхи буюу героин тээвэрлэсэн, хадгалсан, хил нэвтрүүлсэн хэрэгт холбоотой болох нь мөрдөн байцаалтын явцад тогтоогдоод байсан С.Наранбаатар, Э.Онон, Р.Лена, О.Навчаа, Б.Аззаяа, БНХАУ-н иргэн Вонг Син Ян, Ч.Эрдэнэбаатар, Ж.Наранмандах, Э.Гоомарал нарыг өчигдөр Баянзүрх дүүргийн шүүхийн Эрүүгийн танхимд шүүжээ. Шүүх бүрэлдэхүүн тэднийг гэм бурууг нягтлан үзээд  С.Наранбаатарт  15 жил, Э.Онон, Р.Лена, О.Навчаа нарт 10.6 жил, Ч.Эрдэнэбаатар, Э.Гоомарал, Ж.Наранмандах нарт 11 жилийн хорих ялыг чанга дэглэмтэй хорих ангид эдлүүлэхээр шийдвэрлэсэн байна. Харин шүүгдэгч Б.Аззаяа, БНХАУ-ын иргэн Вонг Син Ян нарт холбогдох хэргийг хэрэгсэхгүй болгож, цагаатгасан байна.

Энэхүү хар тамхи тээвэрлэгч бүлэглэл нь өнгөрсөн 2011 оноос эхлэн Монгол Улс, БНХАУ, Малайз улсуудын хооронд хар тамхи мансууруулах бодис сэтгэцэд нөлөөлөх эм бэлдмэл бодисыг тээвэрлүүлсэн хэргийг үйлдсэн болох нь тогтоогджээ.