Дэлхийн олон улсад бестселлэр болж, уншигчдыг байлдан дагуулж чадсан “Да Винчи Код”-ын зохиолч Дэн Брауны шинэ зохиол “Там” (Inferno) тун удахгүй уншигчдын хүртээл болох нь ээ. Харвардын их сургуулийн профессор, тэмдэг судлаач Роберт Лэндоны адармаатай хэргийн учрыг тайлах гурамсан романы үргэлжлэл болох “Там” роман ирэх тавдугаар сард худалдаанд гарах аж.

Зохиолч Дэн Браун Италийн Флоренци хотод судалгааны ажил хийж байхдаа шинэ номын санаагаа олжээ. Дундад зууны үеийн Италийн шүлэгч Дантегийн “Инферно” хэмээх сонгодог бүтээл түүнд ихээхэн нөлөөлсөн гэнэ.

Дэн Брауны зохиолууд дэлхий даяар хэдэн сая хувь борлогдсон. Тэмдэг судлаач Роберт Лэндон таамаглашгүй хэргийн учгийг тайлж буй тухай өгүүлэх гурван цуврал романы анхных болох “Да Винчи Код” нь Их Британид хамгийн олон хувь борлогдсон ном болсноос гадна 51 хэлээр орчуулагдан гарсан юм. Түүний “Да Винчи Код” болон “Сахиусан тэнгэрүүд ба албингууд” зохиолоос сэдэвлэсэн Холливудын киноны гол дүрд Том Хэнкс тоглосон билээ. Өдгөө гурав дахь цуврал “Мартагдсан бэлгэ тэмдэг” зохиолоор мөн кино бүтээж байгаа юм.