Гадаад харилцааны яам, Бүсчилсэн хөгжлийн үндэсний хороо, Гадаадын хөрөнгө оруулалтын газар, бүсийн зөвлөлүүдтэй хамтран Гадаадын хөрөнгө оруулагчдын чуулга уулзалтыг өнгөрсөн жилээс эхлэн зохион байгуулж ирсэн байна. Уг чуулга уулзалтыг ирэх дөрөв, наймдугаар сард тус бүр Төв болон Хангайн бүсэд зохион байгуулахаар тогтжээ. Энэхүү шийдвэрийг дээрх арга хэмжээг зохион байгуулах, бэлтгэл ажлыг хангах ажлын хэсгийн хуралдаанаас гаргасан байна.

Ажлын хэсгийг хуралдаан энэ сарын 9-нд Гадаад харилцааны яаманд болж, Гадаад худалдаа, эдийн засгийн хамтын ажиллагааны газрын дэд захирал С.Жавхланбаатар, Бүсчилсэн хөгжлийн Үндэсний хорооны ажлын албаны дарга Б.Лхагва, Гадаадын хөрөнгө оруулалтын газрын орлогч дарга Г.Дугаржав, Төвийн бүсийн зөвлөлийн дарга Ц.Энхбат, Өмнөговь, Дундговь, Дорноговь аймгийн Засаг дарга, Иргэдийн төлөөлөгчдийн хурлын дарга, ажлын хэсгийн бусад гишүүд оролцсон аж.

2010 оны 2 сарын 11