Хотын оршин суугчдад хандан орон гэртээ байхыг хотын эрх баригчид сануулсан байна.
                                                      Фото: Associated Press/Энди Вонг
Бээжингийн эрх баригчид хотын агаарын бохирдлын индекс аюулын төвшинд хүрсэн учраас хотын оршин суугчдад хандан гэр орондоо байхыг зөвлөсөн тухай Associated Press агентлаг мэдээлж байна.

Хүрээлэн буй орчинд ажиглалт хийх  хотын төв албаны мэдээгээр Бээжингийн янз бүрийн дүүргүүдэд агаарын чанарыг хянах багажнууд 176-442 индексийг заажээ. Цэвэр агаарын индекс нь 50 байдаг ба 301- 500 гэсэн заалтын хоорондын үзүүлэлтийг хүний эрүүл мэндэд аюултай гэж үздэг ажээ.

Бээжин  дэх АНУ-ын Элчин сайдын яаманд тавьсан төхөөрөмж 728 индексийг үзүүлжээ. Хотын захиргаанаас арванхоёрдугаар сард тогтоосон журмаар хэрэв заалт нь 500-гаас давсан нөхцөлд нийслэлийн үйлдвэрүүд ажлаа зогсоох ёстой гэнэ. Салхигүй манантай байгаа учраас агаар дахь хорт бодисны хуримтлал Бээжин хотод ирэх мягмар гариг хүртэл хэвээр байх ажээ.