Хотын хөгжлийг гэр хорооллоос эхлүүлэх уриатай хотын дарга өнөөдөр нийслэлийн томоохон гэр хорооллын нэг болох Баянхошуунд ажиллах юм байна. Нийслэлийн Засаг дарга бөгөөд Улаанбаатар хотын захирагч Э.Бат-Үүл хот байгуулалт хариуцсан орлогчийн хамт өнөөдөр 14.00 цагт Баянхошууны иргэдтэй уулзахаар төлөвлөжээ. Уулзалтын үеэр иргэдийн санал бодлыг сонсохын сацуу Улаанбаатар хотын  дахин төлөвлөлтийн талаар ярилцах аж. Уулзалт Баянхошууны 76 дугаар сургуулийн спорт зааланд болно.