Өсөн нэмэгдэх нөөц ашигласны төлбөр авдаг болно | News.MN

Өсөн нэмэгдэх нөөц ашигласны төлбөр авдаг болно

Хуучирсан мэдээ: 2010.05.21-нд нийтлэгдсэн

Өсөн нэмэгдэх нөөц ашигласны төлбөр авдаг болно

УИХ-ын гишүүн, Сангийн сайд С.Баярцогт Засгийн газраас санаачлан боловсруулсан Ашигт малтмалын тухай хуульд нэмэлт, өөрчлөлт оруулах тухай хуулийн төслийг УИХ-ын дарга Д.Дэмбэрэлд өнөөдөр үдээс хойш өргөн барилаа.
     Уул уурхайн салбар эдийн засагт тэргүүлэх байр эзэлдэг манай улсын хувьд бусад оронтой адил хөрөнгө оруулагчийн өөрийн үйл ажиллагаанаас үл хамаарсан, гадаад зах зээл дээрх тааламжтай нөхцөл байдлын улмаас бий болсон нэмэгдэл ашгаас тодорхой хувийг хүртэх шаардлагатай байна гэж Засгийн газар үзэж байгаа аж. Иймээс ашигт малтмалын үнийн өсөлтөөс бий болох нэмэгдэл ашгаас тодорхой хэсгийг хүртэх зорилгоор Ашигт малтмалын тухай хуульд нэмэлт, өөрчлөлт оруулж өсөн нэмэгдэх ашигт малтмалын нөөц ашигласны төлбөрийг нэвтрүүлэхээр энэхүү хуулийн төслийг боловсруулжээ.
      Уул уурхай хөгжсөн орнуудад ашигт малтмалын нөөц ашигласны төлбөрийг ногдуулахдаа үйлдвэрлэсэн бүтээгдэхүүний тоо хэмжээ, нэр төрөл, үнэ ханшаас хамааруулан ялгавартай тогтоодог. Мөн орлогын албан татварын хувь хэмжээ, татварын орчин зэрэг уул уурхайн салбарын татварын ачааллыг цогцоор нь авч үзэж ашигт малтмалын нөөц ашигласны төлбөрийг 0-10 хүртэл хувиар тогтоодог юм байна.
      Иймээс өөрийн орны аж ахуйн нэгжийн орлогын албан татварын хувь хэмжээ, татварын орчинг уул уурхай өндөр хөгжсөн бусад орнуудынхтай харьцуулж үзэхийн зэрэгцээ ашигт малтмалын үнийн өсөлттэй уялдуулан өсөн нэмэгдэх ашигт малтмалын төлбөрийн дээд хэмжээг 5 хувиар тогтоож ногдуулахар хуулийн төсөлд тусгажээ. Энэ нь үндсэн хувьтайгаа нийлээд 10 хувь байх аж. Манай улсын нутаг дэвсгэрээс олборлосон зэс, алт, цайр, молибден, гянт болд, төмрийн хүдэр, тэдгээрийн баяжмал, хайлуур жонш, хар, цагаан тугалга, түүхий болон боловсруулсан нүүрс зэрэг 12 төрлийн ашигт малтмалын бүтээгдэхүүнийг энэ төлбөрт хамруулахаар хуулийн төсөлд тусгасан байна.   
     Хуульд нэмэлт, өөрчлөлт оруулж өсөн нэмэгдэх ашигт малтмалын нөөц ашигласны төлбөрийг нэвтрүүлснээр улсын төсөвт 80 орчим тэрбум төгрөгийн орлого төвлөрнө. Цаашид стратегийн ач холбогдол бүхий ашигт малтмалын орд газрууд эдийн засгийн эргэлтэд орж, ашигт малтмалын бүтээгдэхүүн, үйлдвэрлэлийн хэмжээ  нэмэгдэж, зах зээл дээрх үнэ ханш нь өсөх тохиолдолд төсөвт төвлөрөх орлогын хэмжээ улам нэмэгдэнэ гэж Засгийн газар үзж байгаа юм байна гэж УИХ-ын Хэвлэл мэдээлэл, олон нийттэй харилцах хэлтэс мэдээлэв. 

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

a 2010-05-21 202.131.226.98

МАШ ЗЄВ ЗЇЙЛ ХИЙЖЭЭГАЗРЫН БАЯЛГЫГ ХЭН Ч УЛСААС ХУДАЛДАЖ АВАХ ЁСТОЙ ШЇЇ ДЭЭ

Avatar

Зочин 2010-05-21 203.169.54.71

ene tatvar ni O tolgoid hamaarahgui gesen Erdenet-d zuvhun hamrna gejeeUneheer ichdeggui livarchid shhde Avanhoy-d hudaldagdsan ene amitadiig zailuulaachee

Avatar

Зочин 2010-05-21 203.169.54.71

ene tatvar ni O tolgoid hamaarahgui gesen Erdenet-d zuvhun hamrna gejeeUneheer ichdeggui livarchid shhde Avanhoy-d hudaldagdsan ene amitadiig zailuulaachee

Avatar

Зочин 2010-05-21 203.169.54.71

ene mamvar ni O tolgoid hamaarahgui gesen Erdenet-d zuvhun hamrna gejeeUneheer ichdeggui livarchid shhde Avanhoy-d hudaldagdsan ene amitadiig zailuulaachee

Avatar

Gants udaa gaigui duugarch ehellee. 2010-05-21 83.1.126.66

68-n tatvariig hugtsaaguigeer sungah heregteiOyutolgoin novshnuud Mongoliin luivarchin avilagchin alban tushaaltanuudtai niilj 4000 Hyatad ajilchin barilga bariulah nereer oruulj ireh gej bnaTed gereegee zurchivul Mongol uls ch zurchih heregtei

Avatar

Зочин 2010-05-21 183.81.169.2

demjij baina

Avatar

tomor olborlogch 2010-05-21 202.106.56.118

oo demjij bn aa batlaasai bid uul uurhaihan mash amarhan asar ih mongo olj bna shd enenees ulsdaa ogii l doo huuliin tosoltei taniltsaj batlagdahaas omno sanaa onoogoo oruulhiimsan gehdee eh orniihoo toloo gesen setgeleer shuu

NewsMN Гар утасны хувилбар Татах
NEWS.mn

Мэдээллийн эх сурвалж