Тоглолтын үр дүнд наймаалцсан гэх Өмнөд Солонгосын 41 хөлбөмбөгчид шийтгэл оноосон тухай FIFA мэдээлэв. Өмнөд Солонгосын хөлбөмбөгийн холбоо ч дээрх шийдвэрийг дэмжиж буйгаа илэрхийлсэн байна. Шийтгэл хүлээлгэсэн хөлбөмбөгчид дахин албан ёсны тэмцээнд оролцох эрхгүй болж байгаа юм.
 
Фото: Christian Hartmann / Reuters   
Гэхдээ тэдгээрийн 21 тоглогч хэсэг хугацааны дараа хөлбөмбөгийн ертөнцөд эргэн ирэх боломжтой. Тодруулбал, тэдгээр 21 тоглогч өөрсдөө хэргээ хүлээсэн тул 2-5 жилийн хугацаанд 200-500 цагийн олон нийтийн ажил хийх ёстой. Ингэхдээ хүүхэд, залуусын спортын төвүүдэд хичээл заах зэрэг байх гэнэ.

Тоглолтын үр дүн наймаалцсан хэргийг 2011 оны зунаас эхлүүлсэн байна. Энэ хэргийн улмаас FIFA-гаас өнгөрсөн оны гуравдугаар сард БНСУ-ын хөлбөмбөгийн шигшээ багийн тоглогч Чхве Сон Гукийн тоглох эрхийг бүх насаар хасчээ. Мөн оны зургадугаар сард өөр 10 тамирчинд зохих шийтгэл хүлээлгэсэн байна.