Интернэт худалдааны тэргүүлэгч Amazon хэрэглэгчдэдээ зориулан CD-ний онлайн хувилбар болох “AutoRip” үйлчилгээг нэвтрүүлээд эхэлчихсэн гэнэ. Amazon-ий  мэдээлж байгаагаар уг үйлчилгээ одоогоор зөвхөн АНУ-ын хэрэглэгчдэд хүрээд байгаа бөгөөд онцлог нь хэрэглэгч өөрийн сонсохыг хүссэн CD-н дээрх бүх дуугаа интернэтээр өөрийн таблет, смартфон дээр татаж авах бүрэн боломжтой болж байгаа юм байна.

Amazon одоогоор 50 мянган CD-ийг “AutoRip” үйлчилгээнд холбоод байгаа бөгөөд өөрсдийн нэвтрүүлсэн энэхүү шинэ үйлчилгээгээ хөгжим сонирхогч ямар ч насныханд таалагдах болно гэдэгт итгэлтэй байгаа гэнэ. Учир нь “AutoRip” үйлчилгээгээр хэрэглэгч бүх үеийн хитүүдийг ийнхүү сонсох боломжтой болж байгаа юм байна.