Алдар тагнуулч Жеймс Бондын тухай өгүүлдэг “007” цувралын сүүлийн анги “Skyfall” киноны дуу удахгүй болох Оскар наадамд шилдэг оригинал дуу номинацид нэр дэвшжээ. Хэрэв Их Британийн дуучин Аделийн дуулсан “Skyfall” киноны дуу Оскарын энэ төрөлд ялвал өмнөх ангиуддаа байгаагүй амжилт үзүүлэх аж. Үүнээс өмнө “007” цувралын Пол Маккартнигийн “Wings” хамтлагтайгаа дуулсан “Live And Let Die” дуу 1973 онд, Карли Саймоны “Nobody Does It Better” дуу 1979, Шина Истонын “For Your Eyes Only” дуу 1981 онд тус, тус Оскарт нэр дэвшиж байжээ. Харин өнгөрсөн арваннэгдүгээр сард сүр дуулиантай нээлтээ хийж, нэг тэрбумын орлого олсон “Skyfall” киноны хувьд Оскар наадмын бусад гол номинациудад нэр дэвшиж чадаагүй байна.

Ирэх хоёрдугаар сарын 24-нд болох Оскарын наадамд “Skyfall” дуутай шилдэг оригинал дуу номинацид “Ted” киноны дуу “Everybody Needs A Best Friend”, “Chasing Ice” киноны “Before My Time”, “Life of Pi” киноны “Pi"s Lullaby”, “Les Miserables” киноны “Suddenly” зэрэг дуунууд өрсөлдөж байгаа аж.

Оскар наадмын гол номинациудад нэр дэвшигчдийг дурьдвал:

1.    Шилдэг эрэгтэй жүжигчин номинацид: “Lincoln” киногоор Дэниел Дэй-Льюис, “Flight” киногоор Дензел Вашингтон, “Les Miserables” киногоор Хью Жекман,  “Silver Linings Playbook” киногоор Брэдли Купер,  “The Master” киногоор Хоакин Феникс

2.    Шилдэг эмэгтэй жүжигчин номинацид: “The Impossible” киногоор Наоми Уоттс, “Zero Dark Thirty” киногоор Жессика Честейн, “Silver Linings Playbook” киногоор Женнифер Лоуренс, “Amour” киногоор Эммануэль Рива, “Beasts of the Southern Wild” киногоор Квинзан Уоллис

3.    Шилдэг эрэгтэй туслах дүр номинацид: “Argo” киногоор Алан Аркин, “Silver Linings Playbook” киногоор Роберт Де Ниро,  “Lincoln” киногоор Томми Ли Жонс, “Django Unchained” киногоор Кристоф Вальц, “The Master” киногоор Филип Сеймур Хоффман

4.    Шилдэг эмэгтэй туслах дүр номинацид: “The Master” киногоор Эми Адамс, “Lincoln” киногоор Салли Филд, “Les Miserables” киногоор Энн Хэтэуэй, “The Sessions” киногоор Хелен Хант, “Silver Linings Playbook” киногоор Жеки Уивер

5.    Шилдэг найруулагч номинацид: “Amour” киногоор Михаэль Ханеке, “Beasts of the Southern Wild” киногоор Бен Зейтлин, “Life of Pi” киногоор Энг Ли, “Lincoln” киногоор Стивен Спилберг, “Silver Linings Playbook” киногоор Дэвид О’Рассел нар нэр дэвшээд байна.