Улсын цолтой бөхчүүдийн 2013 оны эхний барилдаан энэ сарын 13-ны ням гарагт /14.00 цагаас/ болох ажээ. Жил бүрийн энэ өдөр Үндсэн хуулийн өдөрт зориулсан барилдаан болдог байсан бол энэ удаа улсын харцага цолонд хүндэтгэл үзүүлэх барилдааныг зохион байгуулах болсон байна.  "Жем интернэшнл" ХХК-тай МҮБХ хамтран зохион байгуулсаар ирсэн Улсын харцага цолонд хүндэтгэл үзүүлэх  барилдаан долоо  дахь удаагаа зохион байгуулдаж байгаа нь энэ юм. Барилдаанд улс аймгийн алдар цолтой хүчит 224 бөх зодоглоно.