Загварын нэрт од Наоми Кэмпбелл өвдгөө гэмтээснээс болж сүүлийн үед сэтгэл санаа нь тавгүй байгаа гэнэ. Эмч мэргэжилтнүүд түүнийг эмчилгээ хийлгэж, сайн алхаж байхыг зөвлөсөн тул Наоми далайн эрэгт амрангаа эмчлүүлэхээр Флоридад очжээ. Тэрбээр хөлөө гэмтээсэн тухай өөрөө хэлсэн ч ямар учраас гэмтсэн тухай тодорхой зүйлийг хэлээгүй гэнэ.

Зарим эх сурвалжийн мэдээллээр Наоми өнгөрсөн оны арваннэгдүгээр сард Парис хотод байхдаа хөлөө гэмтээсэн бөгөөд байрнаасаа гараад лимузиндээ суух хүртэл таяг тулан явж буй нь папараццийн дуранд өртжээ.