Азийн олимпийн зөвлөл, Азийн буудлага спортын холбоотой хамтран зохион байгуулах тивийн залуу тамирчдын хамтарсан цугларалт хийх гэж байна. Уг цугларалтад манай улсаас манайхаас таваг буудлагын дасгалжуулагч Б.Ган-Эрдэнэ, тамирчин Т.Хаш-Эрдэнэ нар оролцохоор шалгарчээ. Азийн олимпийн зөвлөлөөс Монголын үндэсний олимпийн хороонд ирүүлсэн урилгын дагуу таваг буудлагын төрлийнхөн бусад 44 орны мэргэжил нэгтнүүдтэйгээ Кувейт улсад өнөөдрөөс эхлэн 14 хоногийн сургалтад хамрагдах юм. Өмнө нь энэхүү хөтөлбөрийн хүрээнд урт буу, жүдо, туялзуур сэлэмнийхэн хамтарсан бэлтгэлд оролцсон билээ.