Ерөнхий сайдад асуулга тавьжээ | News.MN

Ерөнхий сайдад асуулга тавьжээ

Хуучирсан мэдээ: 2010.05.21-нд нийтлэгдсэн

Ерөнхий сайдад асуулга тавьжээ

Монгол Улсын Их Хурлын тухай хуулийн 7 дугаар зүйлийн 1-ийн 13 дахь заалтыг үндэслэн УИХ-ын гишүүн С.Бямбацогт Монгол Улсын Ерөнхий сайдад асуулга хүргүүлсэн байна.
Монгол Улс 2,7 сая гаруйхан хүн амтай, 40 сая гаруй толгой малтай, мал аж ахуйн орон боловч өнөөдөр ард иргэд маань малын гаралтай хүнсний гол бүтээгдэхүүн болсон махаа маш өндөр үнээр худалдан авч байна. Өнгөрсөн өвөл манай улсын ихэнх нутгийг хамарсан гамшиг зуд болж, хаваржилт хүндэрснээс мал ихээр хорогдсон, малын тарга хүч муу байгаа нь махны нийлүүлэлт буурах шалтгаан мөн боловч хэт өндөр үнэ тогтох, үнэ хөөрөгдөх гол шалтгаан биш гэж үзэж байна. Харин махны үнийн өсөлт нь махны бэлтгэл, нийлүүлэлтийн тогтолцоо, түүнд тавих хяналт хангалтгүй байгааг харуулж буй хэрэг юм.
Үндэсний статистикийн хорооноос гаргасан мэдээнээс харахад 2010 он гарсаар махны үнэ долоо хоног тутам өсч байгаа бөгөөд тавдугаар сарын 19-ний байдлаар хонины махны үнэ дөрөвдүгээр сарын дундаж үнээс 32 хувь, үхрийн махны үнэ 27 хувь, ямааны махны үнэ 29 хувь, адууны махны үнэ 23 хувиар өсчээ. 2010 оны 5-р сарын 20-ны өдрийн байдлаар 1 кг хонины мах 4800-5500 төгрөг, үхрийн мах 5500-6500 төгрөг, ямааны мах 4200 төгрөг, адууны мах 4500 төгрөгийн үнэтэйгээр хүнсний захуудаар худалдаалагдаж байна. Харин супермаркет, хүнсний дэлгүүрүүдээр дээрх үнээс 15-25 хувиар илүү үнэтэй зарагдаж байна.
Ийнхүү Монголчуудын хүнсний хамгийн гол хэрэглээ болсон махны үнэ өдрөөс өдөрт өсч, ард иргэдийн амьдралд хүндээр нөлөөлж байгаа асуудалд холбогдох байгууллагууд хэрхэн анхаарч, ямар арга хэмжээ авч ажиллаж байгаа талаар мэдээлэл авахаар Ерөнхий сайдад хандсан байна.

Б.Алтансүх

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2010-05-21 212.202.55.151

Erunhii saidaa Lambaag solihgui bol bolohoo baisan baina End tend hudalaa showuudaad yum hiisen yum shig dur uzuulj yavah yum Eruul mendiin salbar elegeeree mulhuj baina Medej baina uu uuniig

Avatar

Зочин 2010-05-21 203.91.117.3

Солиотой амьтанНэр олж авах санаатайЕрөнхий сайд нь ч гэсэн зах дээр юмныхаа үнийг битгий нэмээч гэж үүрэг өгөөд явж байдагЭнэнтэйгээ тааарсан амьтанМалын 4-ний нэг нь хорогдоод байхад тарга хүчтэй мал ховордоод байхад махны үнэ өсөхгүй яах юм бэ

Avatar

zochin 2010-05-21 182.160.26.104

Medremjseed baih ch yu biah ve dee harah nydend ilbiend medregdheer yil yavdal bolood baigaa yahav gishyydeesee tyryylj duugarch biagaa yum uu daaIim l hulduu dumbii nuhdyyd gishyyd bolchihood baina shyy dee

Avatar

Ireeduin E.S 2010-05-21 180.149.64.204

Ene zaluu ch harin yostoi olon tumnii sanaand niitssen asuudliig momentiig ni olood Eronhii saidad tavichihsan baina shuu TOM onoo avchee daraagiin ES bolohuits medremjtei zaluu baina

NewsMN Гар утасны хувилбар Татах
NEWS.mn

Мэдээллийн эх сурвалж