Британийн кино академаас дэлгэцийн шилдэг уран бүтээлийг шалгаруулахаар жил бүр уламжлал болгон зохион явуулдаг “BAFTA Award”-д Стивен  Спилбергийн “Lincoln” кино арван номинацид нэр дэвшиж, энэ оны хамгийн хүчтэй өрсөлдөгчийн тоонд багтжээ. Наадмыг зохион байгуулагчдын мэдээлснээр тус кино нь наадмын “шилдгийн шилдэг” төрөлд нэр дэвшиж байгаа бол гол дүрийн  жүжигчин  Дэниел Дэй-Льюис мөн “Baftas”-ийн “шилдэг жүжигчин”-ий шагналд нэр дэвшиж байгаа юм байна.

Түүнчлэн Дэй-Льюистэй тус кинонд хамтран тоглосон Томми Ли Жонес болон Сэлли Фиелд нар “шилдэг туслах дүр” номинацид нэр дэвшиж байгаа гэнэ. Харин  найруулагч Стивен Спилберг тус наадмын шилдэг найруулагчийн төрөлд нэр дэвших байсан ч нэрээ татжээ. Сүүлийн үед кино сонирхогчдыг байлдан дагуулаад байгаа “Les Miserables” тус наадамд есөн номинацид нэр дэвшиж байгаа бол  “Life Of Pi” мөн адил есөн номинацид нэр дэвшсэн байна. Харин Жеймс Бондын сүүлийн цуврал “Skyfall” найман номинацид нэр дэвшиж байгаа бол  “Argo” кино долоо, “Anna Karenina” зургаан номинацид нэрээ дэвшүүлжээ.

“Bafta awards”-т нэр дэвшиж байгаа дэлгэцийн бүтээлүүдийг танилцуулъя:

“Lincoln”-10
" Miserables -9
“Life Of Pi”-9
“Skyfall”-8
“Argo”-7
“Anna Karenina –6 тус тус номинацид нэр дэвших юм байна.

Кино ертөнцийн шилдгүүдийг тодруулдаг томоохон наадмуудын нэг “Bafta awards” ирэх хоёрдугаар сарын 10-нд Лондоны “Royal Opera House”-т болно.