Үндэсний биеийн тамирын дээд сургуулийн захирал, доктор, профессор Г.Лхагвасүрэн Монголын үндэсний олимпийн академийн Ерөнхийлөгч боллоо. Ерөнхий нарийн бичгийн даргаар Г.Пүрэв-Очир ажилладаг юм.  Үндэсний олимпийн академийн Ерөнхийлөгчөөр өмнө нь МҮОХ-ны Ерөнхийлөгч Д.Загдсүрэн ажиллаж байжээ.

Г.Лхагвасүрэн нь 1968 онд Москвагийн БТДС-ийг багш, дасгалжуулагч мэргэжлээр дүүргэсэн, Монгол Улсын Гавьяат багш, шинжлэх ухааны доктор, профессор.

Монголын үндэсний олимпийн академи нь 1996 онд Ш.Магваны санаачилгаар байгуулагдсан бөгөөд олимпизмийг түгээн дэлгэрхүүлэх, судалгаа, шинжилгээ хийх үндсэн зорилготой байгууллага юм.