Анхныхаа хүүхдийг хүлээж буй Канье Уэст, Ким Кардашиан нар байраа зэхэж, Лос-Анжелес хотын Бэл Эйрт 11 сая ам.доллараар тансаг харш худалдан авчээ. Хосуудын тансаг өргөө нь нийт 929 квадрат метр талбайтай бөгөөд тусгай хамгаалалт бүхий хувийн бүсэд байршдаг байна.

Итали загварын энэ харшид хосуудын ая тухыг хангах, дасгалын өрөө, кино театр, иж бүрэн гоо сайхны салон, сагсан бөмбөгийн талбай, дотор болон гадна усан сан, хүүхдийн өрөө багтжээ. Хосууд Бэл Эйрт тансаг харштай болсноор жүжигчин Женнифер Энистон, сагсан бөмбөгч Крис Пол зэрэг алдартнуудтай хөрш болжээ.

Ким Кардашианыг хөл хүнд болсон тухай рэппэр Канье Уэст өөрөө шинэ жилийн үеэр олонд зарласан бөгөөд хосууд хүүхдийнхээ анхны зургийг гурван сая ам.доллараар худалдах тухай яриа тарсан байна. Одоогоор хосууд Майами арал дээр амарч байгаа аж.