БНАСАУ-ын өдөр тутмын “Чусон Илбу” сонины  2013 оны анхны дугаарт Монгол Улс, Сингапур, Мъянмарын Төрийн тэргүүнүүдийн он солигдох мөчид  ард түмэндээ хандаж хэлсэн үгээс хэсэгчлэн нийтэлжээ. Хойд Солонгосын хэвлэлд өмнө нь хэзээ ч  ингэж гадаадын Ерөнхийлөгчдийн үгийг онцлон нийтэлж байгаагүй гэнэ.

Монгол Улс, Сингапур, Мъянмарын Ерөнхийлөгчдийн хэлсэн үгээс төрийн эрх мэдэл, эдийн засгийн хөгжил, цэрэг, армийн сэдэвтэй хэсгийг түүвэрлэн нийтэлжээ. Үүнийг Хойд Солонгосын залуу удирдагч Ким Чен Ун шинэ онд хийх ажлынхаа чиглэлд нийцүүлж эдгээр сэдвийг түүвэрлэн оруулахыг даалгасан байх хэмээн ажиглагчид таамаглаж буй ажээ.