“UBS”
телевизээс зохион байгуулдаг “Universe Best Songs” наадмын бүртгэл
эхэлсэн тухай хэвлэлээр мэдээлж эхэллээ. Жилийн жилд олон мянган
залуусыг уралдуулан 25 шилдэг оролцогчийг шалгаруулдаг наадмын тогтсон
уламжлал энэ жил ч үргэлжлэх нь. Жил ирэх тусам үнэ цэнээ алдсаар буй
“Universe Best Songs” наадмаас шалгарсан шилдэг 25 залуусаар мюзикль
кино бүтээж, нэвтрүүлгийн турш рекламддаг ч тоотой хэдхэн нь олны танил
болон үлддэг. Мэдээж 25-уулаа од болон гялалздаггүй учраас шүү дээ. Жил
бүрийн шилдэг 25 хэмээх тодотгол зүүсэн залуус өдгөө 100 хүрээд байгаа.
Өнгөрсөн шинэ жилээр албан байгууллагын урилгаар ганц нэг нь тайзнаа
дуулж байгаа харагдсан ч хүмүүс тэр бүр танихгүй, хэн билээ дээ хэмээн
нэгнээсээ сэм асууж байгаа нь хүртэл харагдсан шүү. “Авьяатснуудыг
амжилтад хөтөлнө” хэмээх сүржин уриатай ч урлагт хэд нь торойн үлдсэн нь
бас тоотой. Тиймдээ ч тэд энэ жилээс шилдгүүдийн тоогоо 15 болгон
цөөлсөн гэнэ шүү. Олон залуусыг “одонцор” болох өвчинд нэрвэгдүүлсэн
“Universe Best Songs” наадам хэдий болтол үргэлжлэх юм бол оо.