Оны эцэст инфляци 20-30 хувьд хүрнэ | News.MN

Оны эцэст инфляци 20-30 хувьд хүрнэ

Хуучирсан мэдээ: 2010.05.21-нд нийтлэгдсэн

Оны эцэст инфляци 20-30 хувьд хүрнэ

Тэргүүн шадар сайд Н.Алтанхуяг өнөөдөр Дэлхийн банкны суурин төлөөлөгч Аршейд Сайдыг хүлээн авч уулзлаа. Уулзалтаар хоёр тал Монгол улсын эдийн засгийн сүүлийн үеийн байдал, хямралыг хэрхэн даван туулах, банк санхүүгийн салбарт авах арга хэмжээний талаар санал солилцжээ.  Олон Улсын Валютын Сангийн төлөөлөгчид Монгол улсын төсвийн бодлогод жил бүр үнэлгээ хийдэг ч энэ удаагийн үнэлгээгээр дүгнэлтэд хүрч чадаагүй байгаа. Иймээс АХБ, Японы Засгийн газар, Дэлхийн банкнаас манай улсын төсөвт дэмжлэг үзүүлэх талаар урьдчилан тохирсон алхмуудаа цааш нь явуулах бололцоо бүрдэж чадахгүй байгааг ноён Суурин төлөөлөгч онцоллоо.
Тухайлбал одоогоор инфляци 8-9 хувьд хүрээд байгаа. Дээр нь төсвийн тодотголоор дамжуулаад их хэмжээний мөнгө орж ирэх төлөвтэй байдаг. Энэ нь жилийн эцэс хүртэл инфляцийг 20-30 хувь хүртэл өсгөх урьдчилсан тооцоонд хүргээд байгаа юм байна. Инфляци өссөнөөр иргэд төгрөгийн хадгаламжаа валют болгодог. Энэ нь эдийн засагт маш аюултай үзэгдэл бөгөөд эргээд 2008 оных шиг үзэгдэл давтагдах юм бол макро эдийн засгийг бүрэн хэмжээний хямралын байдал хүргэх аюултай гэдгийг талууд ярилцлаа. Иймээс Олон Улсын Валютын Сангийн зөвлөмжөөр эдийн засгийг тогтвортой байлгахын тулд  төсөвт гарсан илүүдэл мөнгийг нөөц хэлбэрээр хадгалах, төсвийн зарцуулалтыг хумих талаар анхаарч ажиллахыг ноён суурин төлөөлөгч онцолсон юм.

Б.ЗАЯА

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж