“Anemone” хамтлагийнхан “Хэлээгүй” дууны клипээ үзэгчдийн хүртээл болгож эхэллээ. Сонсогч, фенүүдийнхээ дунд багагүй хүлээлт үүсгээд байсан “Anemone" хамтлаг өнгөрсөн хугацаанд шинэ цомгийн ажилдаа анхаарчээ. Харин одоо танд хүрч байгаа “Хэлээгүй” дууных нь аяыг “Up Music” продакшны хөгжмийн продюсер Н.Халиун зохиосон бол үгийг залуу яруу найрагч П.Нарангэрэл бичжээ.  Мөн энэхүү дууны микс, мастеринг буюу дууны тохиргооны ажлыг Сингапурын “Микс” студийн саунд инженер Жерри Чуа хийсэн байна. Саунд инженер Жерри Чуаг товч танилцуулахад, тэрээр өмнө нь “Камертон” хамтлагийн “Retro to Remix”, “Celebration”, “June-2004”, “Өнөөдөр”, “Хайрын хот” зэрэг цомогт гар бие оролцож байсан эрхэм гэнэ. Мөн тэрээр Сингапурын хөгжмийн зах зээлд томоохон төлөөлөгч ба гитарчин Arun Shenoy-ийн “Rumbadoodle” хэмээх цомогт бөмбөр болон хөгжмийн тохиргооны ажлыг хийж гүйцэтгэснээрээ “Grammy awards”-ийн “Шилдэг поп хөгжмийн бүтээл” номинацид тус цомгийн уран бүтээлчдийн хамт нэр дэвшиж байгаа аж.

“Anemone” хамтлагийн “Хэлээгүй” дууны клипийг "V" студи бүтээжээ.